ඉලක්කය: චලිතය සම්බන්ධ ගණනය කිරීම් සහ ප්‍රස්තාර විශ්ලේෂණය කිරීමේ හැකියාව දියුණු කර ගැනීම.

Gemini වෙත යොමු කළ හැකි ප්‍රශ්න (Prompts):

• මට්ටම 1 (මුල සිට පටන් ගමු - Fail → Pass):

  • "දුර සහ විස්ථාපනය අතර තියෙන ප්‍රධානම වෙනස මොකක්ද?"

  • "වේගය, ප්‍රවේගය සහ ත්වරණය කියන රාශීන් තුන සරලව අර්ථ දක්වන්න."

  • "ත්වරණයේ SI ඒකකය මොකක්ද?"

• මට්ටම 2 (තව ටිකක් ගැඹුරට යමු - S → C):

  • "අදිශ සහ දෛශික රාශි කියන්නේ මොනවද? දුර, විස්ථාපනය, වේගය, ප්‍රවේගය කියන ඒවා මේ කාණ්ඩ දෙකට වර්ග කරලා දෙන්න."

  • "ප්‍රවේග-කාල ප්‍රස්තාරයක අනුක්‍රමණයෙන් සහ ප්‍රස්තාරය යට වර්ගඵලයෙන් මොනවද නිරූපණය වෙන්නේ?"

  • "මන්දනය කියන්නේ මොකක්ද කියලා උදාහරණයකින් පැහැදිලි කරන්න."

• මට්ටම 3 (දැනුම පාවිච්චි කරමු - C → B):

  • "නිශ්චලතාවයේ ඉඳන් ගමන් පටන් ගත්ත වාහනයක් තත්පර 4කදී 12 ms⁻¹ ක ප්‍රවේගයක් ලබාගන්නවා. මේකේ ත්වරණය හොයන විදිහ පියවරෙන් පියවර මට කියලා දෙන්න."

  • "72 kmh⁻¹ කියන වේගය ms⁻¹ වලට හරවන විදිහ මට පැහැදිලි කරන්න."

  • "මට මේ පාඩමෙන් සරල ගණිත ගැටලු 3ක්, ඒවා විසඳන හැටිත් එක්ක හදලා දෙන්න."

• මට්ටම 4 (විභාගෙටම ලෑස්ති වෙමු - B → A):

  • "ඔයා භෞතික විද්‍යා ගුරුවරයෙක් කියලා හිතාගෙන, ප්‍රවේග-කාල ප්‍රස්තාරයක් දීලා ඒකෙන් ත්වරණය, මන්දනය සහ ගමන් කළ සම්පූර්ණ දුර හොයන විභාග මට්ටමේ ගැටලුවක් නිර්මාණය කරන්න. ඒක විසඳන සම්පූර්ණ ක්‍රමයත් මට පැහැදිලි කරන්න."

  • "ගුරුත්වය යටතේ සිරස්ව ඉහළට විසි කළ ගලක චලිතය පැහැදිලි කරන්න. එහි උපරිම උසට ළඟා වූ විට ප්‍රවේගයට සහ ත්වරණයට මොකද වෙන්නේ?"