ඉලක්කය: "මවුලය" යන සංකල්පය තේරුම් ගෙන, රසායනික ගණනය කිරීම් සඳහා එය භාවිතා කිරීමට දක්ෂ වීම.

Gemini වෙත යොමු කළ හැකි ප්‍රශ්න (Prompts):

• මට්ටම 1 (මුල සිට පටන් ගමු):

  • "සාපේක්ෂ පරමාණුක ස්කන්ධය කියන්නේ මොකක්ද කියලා සරලව කියන්න."

  • "මවුලය කියන්නේ රසායන විද්‍යාවේදී පාවිච්චි කරන ඒකකයක්. ඒකෙන් මනින්නේ මොකක්ද?"

  • "ඇවගාඩ්රෝ නියතයේ අගය කීයද?"

• මට්ටම 2 (තව ටිකක් ගැඹුරට යමු):

  • "ජල අණුවක (H₂O) සාපේක්ෂ අණුක ස්කන්ධය හොයන විදිහ මට පියවරෙන් පියවර කියලා දෙන්න. (H=1, O=16)"

  • "මවුලික ස්කන්ධය කියන්නේ මොකක්ද? ඒකෙයි සාපේක්ෂ අණුක ස්කන්ධයෙයි වෙනස මොකක්ද?"

  • "කාබන් (C) ග්‍රෑම් 12ක තියෙන පරමාණු ගණන කීයද?"

• මට්ටම 3 (දැනුම පාවිච්චි කරමු):

  • "කාබන් ඩයොක්සයිඩ් (CO₂) ග්‍රෑම් 88ක අඩංගු මවුල ගණන හොයන සම්පූර්ණ ක්‍රමය මට පැහැදිලි කරන්න. (C=12, O=16)"

  • "සෝඩියම් (Na) මවුල 0.5ක ස්කන්ධය ග්‍රෑම් වලින් කොපමණද? (Na=23)"

  • "මට මේ පාඩමෙන් සරල ගණිත ගැටලු 3ක්, ඒවා විසඳන හැටිත් එක්ක හදලා දෙන්න."

• මට්ටම 4 (විභාගෙටම ලෑස්ති වෙමු):

  • "ඔයා රසායන විද්‍යා ගුරුවරයෙක් කියලා හිතාගෙන, ද්‍රව්‍යයක ස්කන්ධය දීලා, ඒකෙ තියෙන මවුල ගණන, අණු ගණන, සහ එක් මූලද්‍රව්‍යයක පරමාණු ගණන හොයන්න දෙන විභාග මට්ටමේ ගැටලුවක් හදන්න. (උදා: ග්ලූකෝස් C₆H₁₂O₆ ග්‍රෑම් 90ක) ඒක විසඳන සම්පූර්ණ ක්‍රමයත් මට පැහැදිලි කරන්න."

  • "රසායනික ප්‍රතික්‍රියාවකදී ප්‍රතික්‍රියක සහ ඵල අතර ප්‍රමාණාත්මක සම්බන්ධය තේරුම් ගන්න මවුලය කියන සංකල්පය වැදගත් වෙන්නේ කොහොමද?"